ياصباح البن الاشقر حيس بالمحماسه=وامتزج ريحه برسلانه بريحة هيله
كيف جيتوا يالرواعد مع ضياع الطاسه=هالهلمه والمهايط كلها من هي له
ولد ابن فراج من مبطي شربنا كاسه=ونايبه بالكرت الاحمر من قبل مومي له
وجاكم الصقري نبت ريش الصقر في راسه=انهزم حزبه وجاك القرم يشعب خيله
والرجا في ريم من مبطي هلك في ياسه=فص ملح وذاب بالماء بين يوم وليله
ومن بعد ذا ياهجوسي لاتضيع الطاسه=دون ذكر الخدَّراللي ساج فيهن ميله
شق صبحه ظلمته عن لون توت وماسه=ومن حياه اضفى على هالصبح حندس ليله
.................................................. .....................=............................ ....................................

القلم هاته وقرب يمي الكراسه=هاض صدري قولت الي شاعرفي جيله
ودي ارسم من هجوس فالصدر حساسه=لو مدخالي خطاء ون قلتلي وشهيله
الاسامي خصصت وخترتها بدراسه =بس قافك جيت ادرهمله ونوب اعديله
القصيد أوقفته يجذب ونا عساسه=والعيون اليا برق برق الخيال اتخيله
كل شي له طريق وكل وقت وناسه = وشي يقدر بالحراب وشي يقدر حيله
وخامس الفنجال راسي مايسد عماسه=مالي الا ثاني الفنجال ونصف كيله
الصدر فالمجلس الي منوتي مجلاسه=مجلس يفخربه الي كل يوم ايجيله


‏