لاتنفعل يابن صقري خل قلبك حديد=بدري وتوك بفيه ما احتمت شمسنا
بالليل عساك هادي وبنهارك سعيد=اليوم يالشيخ ما حنا بمثل امسنا
اول نداريك يوم انك موظف جديد=وهالحين غالي واخو بنذوقك حمسنا
فرق تسد من سياسة محترين الوعيد=اخوان القرود ابعد الله عنّْهم رمسنا
واليوم لوكان راسك يالبناخي عنيد=اصغ لكلام العواصف وافتهم درسنا
مبدع وشاعر محنك كل هذا اكيد=لكن سنا نارنا يطغى على اية سنا
ثلاثه استسلموا لي دون شرطٍ وقيد=ريسك والناقد وصالح هل الالسنا
والراعديه بقت بالدرب عيت تحيد=لكن قامت تجفل لا علا حسنا
وشموخ والجوهره يرمن حصى من بعيد=ولهن تسالي عليها ينجلي عمسنا