ما احب اغنّي عشان اغنّـي بيـــوت=دائم اذا جيت اجـــي كلّي أنـــاقــــه
احياناً احس مالـــه داعـي الصـوت=تحكي لكـــم نظرة العين بطـــلاقــــه
في مجتمع فيه راع العشـق مكبوت= و مشاعره تقصتــــر على الصداقـه
اللّي يخالفهـــم يورّونـــــه المــــــوت = ما هم معاقيـــن و عقــــول بإعـاقـــه
النّاس هذي سوا فاللّبــس و القوت = و الفرق في عقولها صعب افتراقــه
يعذربون المقفّي ما هـــــم سكــــوت = و لا له جمـــل فالعذاريـب و لا ناقـه
الظاهر حلوقهــم توسع بطن حوت = يا ربّي الصبــر لو ما اقبل مذاقــــه
لولا القصيد الهموم يشوتها شوت= ما عاد فينـــي مع الدنيــــا لياقـــــه
و اكبـــــر دليــــل البرازيّه و بخّوت = ان الشعر له مع الانثــــــى علاقـــه

يالريم غنِّي وشِلّي وأرفعي الصوت = وغردي بالطرب صوتك أناقه
سمعت صوتك ولحّنته على النوت = وهاجسي ردد الحانِك وشاقه
عزفتِ إحساسنا والفكر مشتوت = على وتر يرهق العاشق رهاقه
ودَنْدَنْت حوله، وحبلي فيه مبتوت= من عام في عام وأنا في لحاقه
ذاك الذي حرّك الهاجس ب(ريموت) = والقلب فيه (الرسيفر) والبطاقه
هايم على وجهته سادر ومبهوت = مالي على الصد والهجران طاقه
طلسم خيالات فكري مثل هاروت = والسحرلا والله إلا في رواقه
بالذوق والفن كنه نجم بيروت = فيه الذكاء والحلاوة واللباقه
والقد مبروم والمبسم من التوت = يا بخت من طاله وْطوّل عناقه
يا حظ حُضّ الخُطى وأكون مبخوت = يا علّها يا عسى نغدي رفاقه
ويالريم يالشاعرة والشعر مثبوت = شعرك مثيل البرازيّه وفاقه
منظوم ما كنه إلا عقد ياقوت = والقافية ورد فايح وسط باقه