ياماحلا الفنجال مع سيحة البال= في معتقل من فِك منّْه يجي له
هذا يسلينا بعذبات الامثال=وهذا بمواله بصوته يشيله
وهذا يبوح بما تردد على البال=وهذا بوصف اللي ينسف جديله
وهذا يوسع صدر ضايق بما قال=وهذا يتك الصدر من شين قيله
وحنا العواصف نقوة ابني وعيال=وحزب الرعد كذاك قبل نزيله
من الوجود الا بنيات جهال=لا عندهن حيله ولامن وسيله
وجانا ولد صقري ونعمين رجال=لولا الكفاله كان واعزتي له
سمع صياح الجن بالسجن واهتال=وهج يعدي ومقرطٍ في شليله
وانا رويعي مزرعه مثل ماقال=اسمع نياح الورق واوحي هديله