خل السجن ياحارس السجن مفتوح
أفتح لنا لاهنت باب الزياره

زعيمنا لو كان فالسجن,ممدوح
قرم رفعه الله وعظم وقاره

من المزرعه بنْجيب له كبش مذبوح
بصينيةٍ يشهيك ريحة بْهاره

مع دلةٍ فوق الجمر هيلها يفوح
وشعرٍ يسلّي من جلا عن دْياره

وأنا ومهره نسبق الوقت ونروح
انْوزع الدعوه على كل حاره

نقلب ظلام السجن حفلات وصروح
وتساليٍ تزهاه ليل ونهاره

وضْيافةٍ جزله من الروح للروح
من حزبنا الوافي وهذا شعاره