شبكة رواسي نجد الأدبية - عرض مشاركة واحدة

23-01-2019, 06:34 PM

تسليه
قالت انا من حبك اليوم مليت ... مليت من حبك وانا اليوم بنساك
ان كان يالمزيون عني تخليت ... وانا ثمان شهور وانا اترجاك
ان كان في صدك علينا تماديت ... وعذبتني ببقى معك واتمناك
انت الذي سهرت عيني وعنيت ... عنيت قلبي يادعج العين وياك
وانا كتبت الشعربيتن ورى بيت ... ابيات شعري كلها تطلب رضاك
وانا الذي علمتك الحب واخطيت ... اخطيت في حبي على علم وادراك
وانت الذي سهرت عيني وبكيت ... ابكيت عيني وتطلب اليوم اجفاك
ياما بنار الحب منكم تكويت ... كويتتي بيديك وانا اترجاك
وياما سهرت الليل لجلك وونيت ... اصيح وابكي وانت عالصد مقواك
وشلون تنسى الحب ياللي تعديت ... على الضماير وتطلب اليوم فرقاك
اخلصت في حبك اذا رحت وان جيت ... ومعاهدك ياللي خلق روحك وسواك
حطيت لك دبله وسويت لك صيت ... واعلنت حبك للبشر عند شرواك
يابنت انا بالحب وافي ووفيت ... واعطيك كثر اللي من الحب ماجاك
وببقى احبك لو عن الحب صديت ... ماينفعك صدك وانا دووم وياك
اخطيت في حقى اي واله اخطيت ... وانا الذي ماجين اعدد لك اخطاك
وتقول حبي كان كذبه ومليت ... وش عرفك باللي بقلبي ودراك
وان كان ناوي ترحل اليوم ياليت ... خلني ذكرى جميله بين الافلاك
وان كان في بعدك تعبت وتعنيت ... ارجع على حبي تراني اتحراك
عندي امل في رجعتك كام زليت ... بصبر على الزله وبفرح للقياك
وصيت قلبي يادعج العين وصيت ... انه يصون الحب من شان عيناك
وعلى نبي الكون سلم وصليت ... عد النجود وعد ماتدور الافلاك

مشعل عميان البقمي

عبدالله الصقري ,ناصر الهواوي ,الجووهره و 3 آخرون معجبون بهذا