غن يالمسجون مدري يالهواوي
من عذاب الوجد والا وهج شوقك

أطرب الزوار في قافٍ رهاوي
كل ما حارب لذيذ النوم موقك

لاسجع حولك حمام الورق ناوي
يهيضك لاحه ومن فاخر طْروقك

قهو عمسانٍ غني عْن القهاوي
مايبي الا الشّعْر لاجبته بذوقك

والرعد خله يصف مْن الحكاوي
وان قصفته صار حقٍّ من حْقوقك

ياكثر ماهي تمنيه المناوي
وتجهر المسكين لافتّح بْروقك

طافيٍ نوره ومتحطم وثاوي
لو بغَى الفراج مايعطي لحوقك

عاصفي ياطيبها فيك الهقاوي
شب فيهم ياعسى الله مايعوقك