لا تنبش جروحي ترى البوح قتال=وانا من رجالن لهم فالعرب صيت
كم قلت لك صدري تغذيه الامال=وان الزمن يختار للحلم توقيت
يا اطول مسافاتي لك الشوق لو طال=احس فيك الشوق لامن تحريت
كن الغنايم رمح وعيونك ظلال=وابيات شعري مجد ياكثر ما اعطيت
كثرت لك من منتهى حيرتي حال=واسرجت لك صبري وكل ماتمنيت
حتى شموع الود تكشف لك وصال=اني على وصلك تحسرت واوفيت
مطامع الذكرى كما بيض الاعمال=ومشارب الاحزان منها استشفيت
اغيض واستدرج خيالك اليا مال=واستلطفك لو عادني ماتناسيت
اكبر طموحي حلم وامال ورجال=دامي من رجالن لهم فا العرب صيت