‏

يامرحبا في رواسي نجد باسم الجميع=ترحيبه(ن) طيبه للناس وتعمها
سولف علينا يابوتركي بصدر(ن) وسيع=مافي داعي تخبط الارض وتخمها

‏

العازمي
••┈┉┅❀♔❀┅┉┈••


‏

دام البقا يالمرحب والوفا مايضيع=والطيب يجري مع العربان في دمها

يالعازمي ودنا نبدي معك كل ريع=وان كان تبغى السوالف ياولد سمها

‏

المسعودي
••┈┉┅❀♔❀┅┉┈••

‏

الليله الجو طيب من ليال الربيع=الله يديم النعم للناس ويتمها
كل(ن) يحاول على الجزله بمايستطيع=ترى المعاني عسلها خالط(ن) سمها

‏

العازمي
••┈┉┅❀♔❀┅┉┈••

‏

الليله الشعر للشعار جوه بديع=اللي علوم الجزاله دايماً همها

حنا تركنا الوداعه في يدين الوديع=والخوف من واحدٍ في يدينه يلمها
‏

المسعودي
••┈┉┅❀♔❀┅┉┈••


‏

العام هذا مضى في خير وانته مطيع=لون بعض الاوادم زايد(ن) غمها
خلك على اعصابك ليا شفت علمٍ شنيع=بندقك لاتخطي الاهداف وتزمها
‏

العازمي
••┈┉┅❀♔❀┅┉┈••

‏

يالعازمي لاتحول عن مسارٍسريع=مادام وانا عرفنا الغب وش جمها

خلك على موقفك لابد تلقى السبيع=نعرف علومك ونعرف بكمها صمها
‏

المسعودي
••┈┉┅❀♔❀┅┉┈••

‏

حافظ على راس مالك وانتبه لاتبيع=احسب حساب الخساره لاتجي يمها
لو قلت انا الفارس الي فالمواقف شجيع=مايمدح البنت قدم الناس غير امها

‏

العازمي
••┈┉┅❀♔❀┅┉┈••

‏

لو قلت انا دونها ياخوك سدٍ منيع=وش يمنع اهل النميمه لابدا نمها

لابد نسمع علومك من لسان المذيع=واللي بدا فالمراجل لازم يتمها
‏

المسعودي
••┈┉┅❀♔❀┅┉┈••‏

‏

ماني مصدق كلامً من سفيه وصديع=ولاهمني مادح العالم ومن ذمها
اسمع كلامي مادام انك بصيرً سميع=والناس يحسب عليها الهرج من فمها
‏

العازمي
••┈┉┅❀♔❀┅┉┈••‏

‏

لاجيت اعلمك ياصالح بعلمٍ يشيع=تقول اببعد وهالعالم مجي يمها
‏

المسعودي
••┈┉┅❀♔❀┅┉┈••‏

الجووهره معجب بهذا

مع احترامي وتقديري لمن هم هنا=ممنون انا واتشكر للزميله رحيل
لو صار عن شكرها بالهجس ضعف ونا=الطيب الطيب اللي مبتدي بالجميل
لفعولها الطيبه من قبل سامك بنا=بنت اصل عن ما عليه مربيه ما تميل