شبكة رواسي نجد الأدبية - عرض مشاركة واحدة

16-12-2018, 03:39 AM

أنا في عفيف مولع القلب ما أدري ليه
غلاه انطبع بين المعاليق واشقاني
أحبه وأنا ما لي مصالح ولا لي فيه
عماير ولا بيعه ولا نيب سكاني
إلا من كل للإجازه طرا طاريه
تركت السفر للشرق والغرب بالعاني
توجهت لديارٍ هواها العليل اشريه
تقول أن فيها صوت داعي وناداني
تمشيت فيها لو ضحك واحد ناسيه
ما بي الغرب لو جات الحجوزات مجاني
هوا نجد هو شفي وروحي عليه اهديه
ولا ابيع حبه لو بغالية الأثماني
صحيح الكلام اللي زميل الوفا بانيه
صدقت بكلام المعرفه يا *ابن شاماني
ترا كل قافٍ لك بنجد العزيز جنيه
وفي وفاك لموطنك دون الأوطاني

عصام المرشدي،

عبدالله الدّنّيش ,الجووهره ,ناصر الهواوي و 1 آخرون معجبون بهذا