شبكة رواسي نجد الأدبية - عرض مشاركة واحدة

25-11-2018, 03:38 PM

نظرنا بعضنا واندفعنا بدون شعور

حبيبٍ تلاقى مع حبيب انقطع ياسه

وضعت ايدي اليسرى على صدري المقهور

ومديت له يمناي تمسح على راسه

وحسيت في جوفي مثل واهج التنور

زفير الهوى المبعوث من حرّة انفاسه

جرى دمعه الغالي ودمعي جرى منثور

على بعض حتى أثقل الثوب لبّاسه

فقلت الرجا فتّح عيونك تشوف النور

ترى من كتم طول النظر يفقد إحساسه

هدأ والتفت لي وابتسم قال يا مغرور

من تحدته سود الليال أضعفت باسه

غمام ,هزاع العاصمي ,ناصر الهواوي معجبون بهذا