حياك الله ياريس حزبنا وصح لسانك على الأبيات الجزلة والكايفة يالفراج
والله يحيي محمد الروقي وحياك الله يالحصان
والهواوي صح لسانك والله يعافيك عزيمتك وصلت وعلمني أبو محمد لكن مرتبط والجايات أكثر
والله يصح ألسنتكم جميع وخصوصا حزب الرعد هههه
وهذي مشاركة الليلة وتصبحون على خير
لابغيت أكتب قصيد بفلسفه فكريه=أتخير في بحور الشعر ماتعصاني
جبت للمنقية الاولى بعد منقيه=وأحتمي للمركز الأول ماجيت الثاني
ماأتخير فالقصيد بمفرده عاريه=أسبح أعماق البحور ويطلع المرجاني
لين تطلع فارقه بالقوة الشعريه=من سمعها ماتكلم غير صح لساني
وإن مدحت امدح رفيقٍ كلمته محميه=يبشر بمدحٍ ينومس وقفة كحيلاني
وإن بغيت أكتب غزل بالفارع الشخصيه=اسر ياليل القصيد وغن بالألحاني
مايزحزحني لهيب الشمس يم الفيه=دام سيفي في يميني والحصان حصاني
ودايم الحسنه على بالي ماأجيب السيه=ماألتفت يم الهروج العوج ماتعناني
والجهل وأهل الجهل لو قالوا الحريه=الله يشافي هل البلوى ولايبلاني
وأكثر العالم ترى مأمورةٍ منهيه=شغلها جمع الحطب وتشاعم النيراني
والختام الله يوفقني لصدق النيه=والعذر لن زاد قولي وإن حصل نقصاني