انا وقلبي يعاتب بعضنا الثاني = ولكل منا سبايب وقته اتحده
يستكثر احزانه و يستقلل احزاني = و نطوي شراع الأمل ايام و نمده
على حدود المرافي ضاع عنواني = خذاه بحر الهوي في جزره و مده
يا بحر قلي وحدد منهو الجاني = قلي من اللي حظوظه واقفه ضده
لا تكسر القلب دام القلب ولهاني = معذور لو ينتثر دمعه على خده
تسقيه كاس الشقا لو كان روياني = و بداخل البال لك هجمات مرتده
على دروب المسافه ذابت اشجاني = ابني لروحي امل و جروحي اتهده
مابين هم و حزن باعيش وحداني = مع باقي الذكريات اللي لها مده