يامستجير من الزمن بالمخاليق=والله ماتملك لك الناس ذره
لو تطلع بروس الجبال الشواهيق=اللي اكْتِب لك في طريقك تمره
ولادامت الأيام باليسر والضيق=تقلب الأيام حلوه ومره
واليا ثبت لي هرج بعض المواثيق=لازم على بعض الرجال أتشره
وأنا ماأدوِّر هرج راع التلافيق=اللي عسى الله يكفي الناس شره
من نام وافراشه على الشر ويفيق=لابد يلقى حاجةٍ ماتسره
لو صفَّق الجمهور اله كم تصفيق=كَشْف الحقايق كل شيءٍ يقره
أنصحك في خوة رجالٍ مطاليق=اللي لهم في ديرة المجد جره
وأنا تراي أشكي لرب المخاليق=اللي بيده الكون كله يفره