يـا غـايـبٍ غــاب عـنّـي صـوتـه وزولــهمـا زال ينبـض عـلـى رجــواك خفـاقـي

لك في خفى الروح ضِعْف المملكه دولهوحدك تعليـت عـرش الحـب بـاعماقـي

يا طـول ليلـي عقـب فرقـاك يـا طولـهصـدّك ظلامـي وبهجـة وصلـك إشراقـي

عـنــدي كـــلامٍ يـخـصّـك ودّي اقــولــهأبعـتـرف بالحقيـقـه واكـشـف اوراقــي

عواطفـي منْـك يــوم ابـعـدت مذهـولـهمـا هـزك الشـوق مــا حنّـيـت لعنـاقـي

معـقـول صـديـت لالا مـاهـي معـقـولـهفعـلاً تأقلـمـت بفـراقـي عـلـى فـراقـي

أحـــلام لـقـيـاك مـخـذولــه بـمـأمـولـهوما تسر الاصحاب في هالحالـه اخلاقـي

فـي ظـل سدرتنـا ذيـك احـتـاج قيلـولـهتسـرق عنـاي وشقـى دنيـاي وارهـاقـي

معـاك بالمـوقـع الـلـي مـاحـدن حـولـهأطفي لهيب الولـه فـي نشـوة اشواقـي

أنـا لـو آمــال قـربـك شـبـه مقتـولـه !!هاقـي بوصالـك أمانـه أنـت وش هاقـي

أحكـام الاقـدار مـن مـولاي مقبـولـه !!بس ان فقدتك عقب هالعمر وش باقـي