مرحبابك يالتماثيل الروايع=ياجمال الحبك والمعنى جميلي
لو عصيت الوقت لي ماهو بطايع=مالجهد معاند العالم حصيلي
من طويق ايلين طبيت الشرايع=ومن طريف الى جبل فيفا الطويلي
طهبله ومخالفه كل الوقايع=سبق بالاعلام والتصوير ليلي
نو قافي جا لبراقه شعايع=ومن يخيل الهجس به يطمع بسيلي
ود عيني والرجا من قبل ضايع=هيل امانيها تجي من غير كيلي
رددي يالورق بامات القلايع=كل انا ماشلت لي موال شيلي
هزي الحدب الهوانيع الموايع= كلما مالت بها النسمات ميلي
سمعيني سجعك اللي منك ذايع=النهار لحضرتك والليل ليلي
عيديبي حركي بار الوجايع=كان مالشفاي من يمك سبيلي
والله ان اللي جمد بالعين مايع=سبة اللي ساجها بالكحل ميلي
دع ودايعها لمامون الودايع=ياحليلك يالهجوس ويا حليلي