سافرت لاجلك للديار البعيده
سفره طويله فالسماا ست ساعات
،،،،،
في رغبتك وأمشي على ماتريده
لو كان مالي فالسفر مَعْك مشهات
،،،،،
في ديرةٍ فيها مزايا عديده
منها المطر زخات في كل الاوقات
،،،،،
رفيق عمري شعري أسمع جديده
لاغنت الورقاا على الغصن بالذات
،،،،،
كنت أنطر العطله ونفسي سعيده
عيني على نجد العذيه،ليا جات
،،،،،
وجدّ الجديد وذالظروف العنيده
تااخذ علي من سابق الوقت جولات
،،،،،
والصبر نعمه،والليالي مديده
مراات يقسَى الوقت ويلين مرات