أنفض غبار السالفة.. مالها سنع=وعطني من أطراف الصراحه مساحه

قالوا من أول ما يكف راعي الطبع=والكذب ما جمل " وجيه " القباحه

عين الردي " عميا " وذنب النقي دمع=والغدر ليل(ن) والحقيقة صباحه

لا صار بين الطيب والطيبه.. صدع=أقبل عليك " الظن " وشهر سلاحه

من لا يقدر فيّة " الستر " له ردع=يوم(ن) من الحاجه يضيق مراحه

لو كل كلمة نسبق اخروجها سمع=ضاعت مفاهيم " الرجولة " وقاحه

يا رجل دوجي في مماليكك السبع=ويا نفس طيري في فضاك استراحه

‏