يقول من حده على بدع الابيات =شيءٍ بجوفه ما يكل و يملي
ينهش خفاه وينهش القلب بسكات=كنه جرادٍ بالمزارع مفلي
ولا وهج نارٍ من الجوف تقتات=عيت تخلي داخل العوج ملي
من كلمةٍ صبت على الكبد لوعات =من قوها ضيق التنفس حصلي
كابدت انا اللوعه وكابدت ضيقات=وشيءٍ لقيته بين الاضلاع حلي
مايقلعه قولة علامك سلامات =ولا يقلعه كثر الطرب والتسلي
ماغير اردد ياعساها دعابات =ولا عساها زلةٍ ماتعلي
مثل الجواد يزل في بعض الاوقات =ويصحح الخطوه بعد ما يزلي
امني الروح العليله بكلمات = خوفٍ عليها من بلاها تولي