اسمع كلام اللي تحدأ بنيخيك=هرجٍ لبيب العقل يدرك مزاجه
صادفت لي نورس يعاعي كما الديك=وصادفت لي ريبال يتبع دجاجة
وصديت عن شرواك ماني بناصيك=واعرف ديار الغور واعرف سفاجه
وصادفت لي ضرغام بالفعل يشفيك=وقابلت لي شاوي يربي نعاجه
وقابلت لي تاجر يرافق صعاليك=ويجهل حديث الترمذي وابن ماجه
وقلت انتظر في دار عمك وانا اجيك=مالي و مال أهل الخناء و السماجة
وصادفت لي سمسار مندوب للبيك=عن منهج العقال فيه انعواجه
واليا هرج كنه بهرجه يحاجيك=واليا سكت كنه مبشر خاواجه
وصادفت لي خبلٍ خباله يناديك=يزرع نبات الحنّضله في كراجه
وصادفت لي شيخٍ يوقع على الشيك=وضميره اضوق من رقبة الزجاجه
واخذت لي منهم فوايد تنبيك= عن المريض اللي صعيبٍ علاجه
فوايدٍ صعبه وفيها شرابيك=عنها خبير الطرس طفى سراجه