ليا انهزم ساتر وفاضح تقفاه=وباشعة الشمس افرحن العصافير
ولجت بتغريداتها تشكر الله=وتسبحه وتقول يالله عسى خير
وذاب الندى فوق السعف وانتثر ماه=واخلت من الصبح الطيور المواكير
خفيرنا ناد ابو بندر مناداه=وكلبش يديه وقصِّر القيد تقصير
مطواع مايلزم تجره بعلباه=اذكر له اسم العاصفه بس لاغير
مالا نعد من الفرص كم عطياناه=كم له يدوج بين ذيك المقاصير
وقل لبو ناصر جبت لك ما تمناه=واطلق سراح العازمي دون تاخير