شبكة رواسي نجد الأدبية - عرض مشاركة واحدة

15-02-2018, 09:23 PM

شطحة خفير

العيـد قــرب والحبـايـب بعيـديـن ...وقلبي يتوق متايق الطيـر قرنـاس
للي لهـم فـي وسـط قلبـي مياديـن... واللي غلاهـم مالـه اليـوم مقيـاس
لاشك بفـرح فرحـة العيـد عيديـن ... عيدي وعيدك يابعـد كـل هالنـاس
الناس تفـرح لابسـه ثوبهـا الزيـن .. وانـا فـي شوفـك أتـردد بالأنفـاس
اكنّهـا بالصـدر مـن بيـن لا بـيـن .. وأقولها بالصوت وأدق الأجـراس
ماغيرك اللي تارسه محجر العين ..وماغيرك اللي يزهي الزين بلباس
انتي الوحيـده مـن تقـود المزاييـن ..وأنتي الفريده والحلا فيك مغراس
ياقاضيـه مـن بيـن شلّـة محامـيـن .. منهو يخالـف بالحكـم راح ينـداس
يـا بـنـت شـيـخٍ قـايـدٍ للسلاطـيـن ..معرّبـه مـن جدّهـا لآخـر السـاس
يا عقد لولو .. يا خلاصة مراجين .. ياذا العقيق النـادره بيـن الألمـاس
ياجوهـره.. يـا كبريـاء العنـاويـن .. يا جنس نادر.. فارعٍ بين الأجناس
يا أحلى قصيده دونت في دواييـن .. كـلاً قراهـا مدونـه وسـط كـراس
ياعود غصـنٍ منثنـي فـي بساتيـن .. انتي الأميره لا ولا شيخة إحساس
إحسـاس يعنـي ساريـه بالشراييـن .. متكمنه فينـي مـن السـاس للـراس
خليـت لـك قلبـي بهالعـيـد قلبـيـن .. وانا اتوووق متايق الطير قرنـاس

محمد الـفراج ,قرناس الحرار ,ناصر الهواوي معجبون بهذا