جالس واحاسب ضميري وش جريمة رحيل=والجوهره يوم هي بالحبس وش ذنبها
واحط وادرس قضايا هالولايا واشيل=والقا الحقيقه قراري مر من جنبها
فك البنيات يالحارس وهات البديل=اقول جب ريم والكنقه موصىً بها
و(بارجيل )خيال وايدياته اربط حبيل=اقرا وثيقة قرار السجن واعلن بها
قرار فصله وطي القيد من كم ليل=خنبات هالورع والغيبات ما كبها
القلب لاطالعت عيني بنجمة سهيل=له رجفةٍ موجعتني مالقي طبها
يذكر من ليا اقبلت لاشقر شعرها ثليل=رغم البطا ما تراجع يوم عن حبها
من مثلها لو تفاديها بروحك قليل=هنوف هيفا كساها بالحلا ربها
ريانة االجسم حورا عين والخد اسيل=خضر القلوب ان تبسم قام يلعبها