اقتباس:
المشاركة الأصلية كتبت بواسطة ناصر الهواوي
لله درك يابو عامر مجاراه خيال وهذا طبعك وحنا ربعك مادام يجي منك هالابداع صح لسانك ولاهان راسك وبيض الله وجهك
اهلا يالجوهره وحييتي
ارحبي يالعاصفيه نور ولا نخلا ولا نعدم طبعا لازم اعضاء الحزب يحمسون قايدهم حتى ما تجيه ام الركب ويهرب هههههههههههه
اهلا ياحمد وانت عاصفي اصيل بس اشوفك دايما بالميسره ما تجابه هههههههههههههههههه
ابو عامر عاصفي
ومهرة يام وغزلان عاصفيتان بس غزلان فاقدينها من مده الله يردها
اذا الحزب مكتمل النصاب
ماتشوفون ريم ما غير تهمز الاعجاب وتنحاش تروح تهمرع العبرات على حزيبها المتهالك كذلك الجوهره الله يعوضهن ههههههههه
ودي ان رحيل اليوم حاضره
ــــــــــــــــــــــــــــــــــــــــــــــــــ ــــــــــــــــــــــــــــــــــ
إي والله يابو عامريصيب الفواد خلاج=وتزيد الخلاج خلاج هالورق لاونت
انا كنت اظن القصد من نوحها الازعاج=وانا كيف الوم الراعبيات لو جنت
يمكن لاج في مكنونها مثل مابي لاج=فقد الولف باسبابه سفين الخلا حنت
على ابو ثمانن مثل لولو بعلبة عاج=مليارين قيمتها لوهي تنعرض بالنت
بسجنه قبل سجن الرواسي ولا ابي افراج=يشوِّك شعر راسي من الشوق لا عنت
هجوسي يوردني سببها على هداج=ولا قصرت معي القريحه ولاكنت
يحسبني مهذري لاتشكويت ابن فراج=ويقول ابو بندر جاوب الورق لاغنت
لعلك تجد في سجعها لااصبحت مخراج=تساعدك في طردة همومك ليا شنت
وانا اسمع واعدي واونس بمهجتي وهاج=وركاب الطواري ارهجت في واستنت
^^ ما عليك زود يالزعيم .. وصح لسانك وبدنك
ولولا إلهامك ما تحركت القريحة ومجاراتك شرف لا ترف
^_^
أجاريك يا بوعبيد دايم بدون إحراج = وشعرك يجرّ اللحن والقافية حنت
تجرجر هواجيسي على طرقها بمْزاج = وتخرج كنين النفس دايم بما كنت
هجوسي ليا حامت تقول إنها ميراج =ليا طاب للمحراف جوه لها شنت
وتبني في أحلامي بنايات ذات أبراج= ونفسي على حسن النوايا وما ظنت
وأقاتل شكوكي في الهوى كني الحجاج= وأحارب وساويسٍ براسي ليا طنت
سرت في فجاج الصدر في وسط ليلٍ داج =وروح المولع تحتفي به وله هنت
بنت في زوايا القلب تمثالها والتاج = وناقوس (بق بن) لا تذكرتها رنت
خذت من شراييني تلاوينها وأرواج =ومن دم قلبي خضّبت كفّ وأتحنت
تمنيت لو نرقى بما يجمع الأزواج = ونسمع دنين الطبل لأفراحنا دنت
^___^
وعقبى لكم بالمسرات هههههههههههههههه