ما ادري علام الجيب لاوجه جنوب ايشد حيل=لابالجلنط ولا الفرامل حين يجنب تلزمه
لو المسافه دون من ينوي زيارته الف ميل=اطلق له عنانه على كيفه ولا احب الطمه
كنت احسب ان بي عقل ياخيال وجويبي هبيل=واثر الحقيقه عكس ما اظنه وانا كنت اظلمه
وين الحكيم اللي بحكمه ما يحابي ما يميل=ابا انشرح له واشرح الموضوع له واعلمه
اقول له ياشيخ انا حين اذكر الخد الاسيل=ما ارتاح لين اروح له واشاهده واكلمه
ياشيخ انا لي صاحبٍ لاهو قصير ولا طويل=مربوع ليت الله من عيون الحسود يسلمه
ياشيخ ذا ماهوب عادي به تواصيفٍ تهيل=لاناش رمشه بشرته في سلهمته اتألمه
نواعسه ترهق بشبحتها وله رمشٍ ضليل=لهل القلوب الخضر بسيوف الردى متولمه
فتواك ياشيخ الهوى صرِّح بها قبل المقيل=لعل هالفتوى تفيد العالم المتحلمه