شبكة رواسي نجد الأدبية - عرض مشاركة واحدة

25-01-2018, 03:52 PM

تسليه

يقول المورقي نهار في روس الطوال اواق
امعدٍ بين حاذه والمحاني بالمجاديرا
واخيل المال يحدا والرحايل بالزهاب اتساق
واقول بجيرة الله والك يا المقفي مسافيرا
عسى من حدهم ينحون ينحى من شفا المغراق
ياخذ مقدار ساعه لا حبال ولا حداديرا
مطيحه في جبا المشويه اللي مارد البراق
مواقفها اعسار وجالها كله شناظيرا(1)
بعد ما حول الغاطس فها وافهاه كسر الساق
من الركبه الى حد القدم غادٍ شعاثيرا
ياخذ مقدار حوليه يحملونه خبيث اوفاق
اعظامه لا بلينا ما تليمها الجبابيرا
ولا شدوا ودنوا له من الزمل ازرقٍ صعفاق
حسوسٍ بالشجر يرثع على تالي المظاهيرا
الا يا وجد روحي وجد من تاه الركاب وتاق
وهيله من ورا ركبه وخلنه ورا النيرا
رمنه في لهيب القيض بالمضماه بالاشفاق
ولا يبخص مواريدٍ ولا يبخص محاديرا
الا ياطير يا عجل المسير وبالجناح احشاق
معي رده اتوديها إلى زين المحاجيرا
ابيك اخف ولا فن ياما بي على الملحاق
وسبت الرجل ما يجدي ولا جنحان ابا اطيرا
انا ان عيرضت خطوا لي بحرزينٍ من الاوراق
ابحرزينٍ تهبطني على ثلاب لا اطيرا(2)
جمع كل المعاني الطيبه بالخلق والاخلاق
وزها صدره كما الرمان غضاتٍ مزابيرا

محمد الغنامي ,ريم الفلا ,ناصر الهواوي معجبون بهذا