البارحه ليلي سراء مابين ود وبين هات=الموقف الغصاب يبغا جهد زود عن جهدي
هجوس فكري لي شهر مثل الخيول المسرجات=تطيعني في لازمي من حيث ما ابدا تبتدي
شرد القوافي تنثني وانا زبون مدرهمات=مثل انثناي الخيزران اللدن لاجاء في يدي
ادعيت وليادعيت مااحضرباليدين الفارغات=الا بشي كنه سهيل اليماني والجدي
ماجيت حب مقابلت جمهور ولا كيمرات=لا بالله ألا جيت فالموعد على حسب وعدي
لولا الوجيه اللي ليا دعيت على الماجوب جات=ما شيف براقي على المنبر ولا سمع رعدي
بسم ابو رايد مرحبا عد النجوم الامعات=واعداد ماهلت من الغراء هماليل بردي
ترحيبٍ احلى من حليب العرب والسكر نبات=والذ واحلا من نهر دجله ومن تمر الودي
على الشحم والطيب ودلالٍ خوات مقندات=جاب اليماني بنها للقرم سلطان يعدي
سلطان سلطان المواقف فالليال المعسرات=طلق الحجاج وراعي الفزعات والكف الندي
في مدح ابو رايد هجوسي لاتهيد ولاتبات=تارد على صدري مثل ورد الضوامي للمدي
هذا الرفيق اللي ينومسنا بدون مجاملات=مايعتذر عن لازم ربوعه كعام المعتدي
ماله شبيه ولا حلي من العباد إلا حيات=أبوه جعل أبوه في خضر الجنان مخلدي
هذا الكلام اللي عليه شهود والعلم الثبات= تقوله العراف للعراف قدمي وبعدي