ارحب يابو عامر بسجن التماثيل=من كلبشك له مده مكلبشينه
ياما طرحنا من بنات ورجاجيل=بسجن الرواسي فعلنا خابرينه
حزب الطناخه له سنه من هنا ازيل=لو عنه تنشد ما احدٍ قال وينه
وحزب المدمر صابرٍ للبهاذيل=الله على ماجاه منا يعينه
قيودنا برجول شيخه خلاخيل=وبيدين رحيل الكلبشلت زِينه
وحزب الرعد ملحٍ بماء مثل ما قيل=منزلينه غصب ومشددينه
خفير دور لي ثلاثٍ من الحيل=الضيف ما ياكل حشو خابرينه
وهات الدلال وبهر بطيب الهيل=وتمر الحسا مانبي تمر المدينه