يسعد اوقاتكم احبتي
مصافحه اولى اتمنى ان تعانق اذواقكم
والف شكر لدعوه لهذا المصرح الراقي
.
.
ياسيدة شعري ترى الشعر عنوان
للشاعرية ..والأدب .. و الثقافة
وأنا قبل ماآكون شاعر و فنان
أنسان .. كله طيب قلب و لطافة
يعني إذا حبيت .. حبيت بجنان
و قلبي من اللهفة يزيد ارتجافه
ياما تحديت الأماكن و الأزمان
و صنعت نفسي من خيال و خرافة
لين أصبح لشعري محبة وله شان
ذنب ٍ تحب المترفات إقترافه
وأنا فتحت الباب هذا على شان
أكشف لك اللي مابغيت أنكشافه
ماكنت متخيل دفا صوتك الحان
معها خفوقي مايرد انجرافه
والمشكلة يالغالية صرتي إدمان
ودايم بعرف الناس الإدمان آفة
أحاول أجحد لهفتي قدر الإمكان
ولا اخذت إلا الشقا و المخاافة
معشوقتي ماني مثل أية انسان
قلبي نهر حبي وشوقي ضفافه
وأنتي قمر مايوصله مين ماكان
حرام .. احد يجرح نقاه وعفافه!
جل تقديري
احمد العوفي