شبكة رواسي نجد الأدبية - عرض مشاركة واحدة

11-08-2017, 12:33 AM

سلام يا أولاد ناصر ياهل الطالة جماعتنا رفاع المقام
سمٍ سقطري على كبود العدا ريف على أصـــــــحابها
من قلعة عتيبه الهيلا عريبين الجدود متيهين الجهام
اللابه اللي اليا ضاق المقام بنجد كل يحسب حسابها
وباقي القبايل عزيزين ولهم قدر ومهابه عندنا واحترام
أمجادهم سجــــلت بالكتب دوك الكــتب وقرابــــــــــــها
تحية طيبه تملا صدور السامعين وتبتدي بالسلام
تعم كل القبايل بالجــــزيره تشمل الرعــــيان واربابــــها
سطرتها في مداد من ذهب وأكتب معانيها بريش النعام
على رقايــــق زمـــــــــــــــــرد تاجــر برتـــــوريا جابـــــها
ملفوفة في حرير ودهنها من عود عتق عام من بعد عام
حفيد غاندي جلــــــب دهــــــنه وانا وافقــــت جــــلابها
أحلى من البان أباكير أعراب وربعن بأعلى شفايا جهام
مصافيها بالحمى وأيسر بحارو دوجن في باقي شعابها
من ثقلها ما دفعها للفضاء ياكود في صاروخ من نوع سام
صرد بها لين جت وسط المدار الخارجي وعود وسبايبها
ارسلتها من ضريه بالأثير تطير فوق مروحات الغمام
ديرة رجال رسو لاعلى المراجل رســـية هضـــــــــــــابها
انساب جدي وربعي واعتزي فيهم وأشد الحزام
نقوة قبايل لو انطح فيهم القومان ما هــــــــــــــــــابهــــــا
طلبت انا من خبير البرمجه انه يبرمجها على أفضل نظام
تمر في كل قطر فيه سيحان مقيم وترســـل كتـــــــــــابها
أذكر بغيت أشترك في منتداكم عام الأول قبل شهر الصيام
مضى سنه ماحصلي مطلبي مدري وش أسبابـــــــــــــها
نفسي عزيزه وسط دار المهونه ماتطيق المقـــــام
حلفت لسجها دايم مع دروب الشكاله وأتعب أركابهـــــــــا
خرجت قبل الدخول وشلون مدري والسلام الختام
إن كان جيزة ونشرت من مدير المنتدىأرضــــــــــــــــابهــا

قرناس الحرار ,رحيل ,محمد الغنامي و 1 آخرون معجبون بهذا