نصبر على الشدات ووجيهنا بيض=راضين في مقـسوم ربٍ خلـقـنا
من طبعنا يامعيض مانحمل الغيض=والله على طيب النوايا رزقنا
واللي يدوّر من ورانا ملاحيض=يتعب وتقصر خطوته مالحقنا
هذا الوكاد وكلمة الحق يامعيض=الله على بعض الخلايق فرقنا
ماراح منّا مانبي له معاويض=الى من المعبود فيه ادّرقنا
ومفوضين الأمر لله تفويض=وعن واجبات احقوقنا مانفهقنا
واليا نوينا نروّض الصعب ترويض=يسطي على جوف الضريبه تفقنا