احزاب المدمر والرعد يامسا الخير=يامرحبا بذكورهم والاناثي
ترحيبه من العاصفه طعمها غير=من حاشته كنه بغشنه يغاثي
الذ من در امهات المصاغير=وازكى من ابشامه ونبت الكباثي
لمن لمسها احر من حامي الكير=وابرد من حبوب البرد جا هثاثي
للسجن والمسجون به والمسايير=وللمبصر ومن في عيونه لماثي
تطرب كما تغريد جول العصافير=لاحول اشقر بينهنه وعاثي
لو لي جناحين افرد الريش واطير=واترك مسارات الوعر والوعاثي
وان سهل الباري على داره اعصير=فيها ادّْرِج لو ما يطول لباثي
وانزل خفا بسطوح بعض المقاصير=ما يدري الا بين اياديه جاثي
واسعد بضحكه من ثمان النواوير=وهمسة فصيح بمنطقه ما يثاثي
ورد السلام وياهلا فيك لاغير=اغنى بها كني من التبر حاثي