شبكة رواسي نجد الأدبية - عرض مشاركة واحدة

27-07-2017, 07:36 PM

مداخله ياربع

الاخ العزيز ابو عبيد حبيت أسألك هناك قصيدة صارت عليها مد وجزر . وكثرة التغرديات بين مؤيد ومعارض , في جميع المنتديات
بصفتك شاعرنا الكبير في هذا الصرح ولك صولات وجولات ,
القصيده هل هي لبندر بن سرور , ولا لممدوح البقمي
وفيها شيلات لبندر , وللبقمي , يقول فيها

أبكي وعيني تسهر الليل يـا ريــم
مدري بلاها الشوق والا الظليمـه
يا ريم دمع العين مدري على الريم
والا على قلبـن تواكـل صميمـه
تقول لاطمني علـى نونهـا سيـــــم
أبكي وعندي لأزرق الدمع قيمـه
ويمكن يكون الدمع للعيـن تكريــم
ويمكن يكون إلها عذاب وحريمـه
والله يا لولا دمعتـن كنهـا الديــم
راحت ضلوعي من عـذابي حطيمه
ودام البكا ياريم ما فيه تحريـم
يا عنك والله لأرخص الدمع شيمه
وابكي على حالي من الـوجد وآهيم
لين الزمن يخلـف عليّـه نسيمـه
أبكي حياتن صافيه ما بهــا غيـم
وين المحبـة والقلـوب السليمـه
أبكي قهر وابكي من الغبن والضيم
وابكي من طعونن بقلبـي قديمـه
غدر الزمن خلّى بوجهي مـــراسيـم
وما يذبح الرجال مثـل الهزيمـه
بعض المصايب شرها ياكل الـهيـم
وشلون بكبود الرجـال الكريمـه
وبعض المصايب يخلفن المفاهيــم
تبغى على ما قيل صبر وعزيمـه
مظلوم بالدنيـا وغيـري مظاليـم
من عرض ناسن لبسوهم جريمـه
ماعاد أبي من سود الأيام تعليـم
عقب العذاب اللي كلاني جحيمـه
ولو تصفي الدنيا علـيّ الملازيـم
ما عاد أدور من وراهـا غنيمـه

الشيلات

بندر

ممدوح

المشكله لقيتها في اليتويوب كثيره للبندر ابن سرور
وديوان بندر عندي واغلب قصائده
لكن بصراحه مانيب متئكد من القصيده واول مره اسمعها
لكن شدني في القصيده كلمة علي الملازيم
وهي كلمه دارجه عند (عتيبه)

وسلامتك