يالي خذيت القلب وشلون يغمرك=
بحرن من الأشواق شبه خرامك
ودي بك وابغاك وابحرك واسمرك=
في مركب احلامي ولذة غرامك
اذوب في ضحكك وهمسك ومرمرك=
وفي بلسمك والشهد واضيع امامك
اطوف بك واسعاك ظلك ومحرمك=
يرقاء معك حد الثريا هيامك
اعيش بك واحياك واموت واعمرك=
واكون لك حلم بداخل منامك
ياوجد حالي يوم غيري يسامرك=
يذبح خفوقن فيه برمج نظامك
ياحرتن ما كل فارس يضمرك=
ياكود حرن وسط كفه لجامك
هذا انا وإن قاله الله لاسمرك=
في حاني ضلوعي واعلي مقامك

مرزوق العتيبي
قرناس الحرار