كل الخلايق بعـــــــــــــد فُرقاه غِيَّابْ
الفِكر سَــــــارِحْ .. والمواني بعِيدَهْ
رحلة غلا مرّت كما صفحة كتاب
فيها حلـــــــوم وشي ما حنا نجيده
أحب واعشق والغلا ماله أسباب
كذا من الله جيت يَمَّـــــــــه واريده
مثلي كذا فتّــــــــــــــح لنبضاتنا باب
واقْسَــــــم بأني جاري(ن) في وريده
مرّت ليالي قطّعت وصل الاحباب
وانهت غرامٍ .. ظنّـــــتي ما نعيده
مرّوا كما دمعة تهاوت من أهداب
من عين طفـــــــــلٍ كدّرت يوم عِيدَهْ
ما يِرجِعْ المقفي حزن قلب وعتاب
دامه رحــــــــــل واقفى يلّوح بـ إيده