ما هزّت الأشواق قلبـــــــك ولا جيت
ولا بيّن الماضـــــي بـــــــذكرى سنينك
:
تدري بعــــــــد ماغاب طيفك وقفّيت
راحت عيوني تســــــــأل الناس وينك
:
ما تــــدري إني بالمحبّـــــــــــــة أنا ميت
مُغرم غزاه الهــــــــــــــم يَرْجِي حنِينك
:
أشتـــــــاق لك والشوق ماله مواقيت
يِسْهِر نظر عيني لـجـــل رمش عينك
:
ياما لدرب الحب يمّــــــــــــــك تعنّيت
واشقيت نفــــــــسٍ ردّدت لي عوينك
:
لا مر طيفـــــك وسْط الاحلام فزّيت
وأدوّرك وارجــــــــــي ملامس يدينك
:
عُمــــــرٍ مضى مابين ضيقــــة وتنهيت
وانا برغم البُعـــــــــــــد باقي سجينك
:
جيتــــــك وفــــا والوصل منّك تمنّيت
هــــــــــاك الغـــــــلا يابنت مدّي يمينك
:
:
عبدهـ حكمي