شبكة رواسي نجد الأدبية - عرض مشاركة واحدة

01-04-2017, 03:07 AM

اقتباس:

المشاركة الأصلية كتبت بواسطة ناصر الهواوي

سلام ياسجن الرواسي من لي ايرد السلام=وين الخفير ووين زوارك ومن جوفك سجين
وين الكرايم مالهن ريغه ولا اشوف الكرام=وش بك مخرطم ضايقٍ خلقك ومهموم وحزين
قال انت مايلحقك يارجال من يمي ملام=لو غبت عنا بعد هالليله ترا عذرك سمين
لكن خذا عني لمن لاقاك من ربعي علام=الله على هالبزنس اللي مشغلٍ ربعي يعين
نوب انتعذر بالاجازه وانتعذر بالدوام=احوالهم تشبه حوال المشتهين المستحين

يامرحبا بك يالمسلم عد همال الغمام=اقلط وانا حاظر وابا اعلمك وين الغايبين
الوضع كنه سوق الاسهم ماهقيت انه تمام=العرض وافر مير مابالسوق ناسٍ مشترين
فالسوق حتى لوتشوف اشخاص وتشوف ازدحام=مما حصل للسوق بعض الناس باتو محبطين
لازم نشد الحبل للمركب بقوه للامام=قدام لايغرق وتقتلنا عيون الشامتين
اكرب حزامك واحتزم بي فالمهمات الجسام=ياسيفي اللي كل ماشحت بك فالقاسي يلين

سجين الرواسي ,وافي الرواسي ,ناصر الهواوي و 3 آخرون معجبون بهذا