شبكة رواسي نجد الأدبية - عرض مشاركة واحدة

13-01-2017, 10:10 AM

/

السلام عليكم
واسعد الله صباحكم بكل خير كلن باسمه
وصحت ألسنتكم وقلوبكم ولاعدمنا ذائقتكم المتْرفة
ودآمت أنفاسكم عاطِرة في رواسي نجدنــــــــــا

/

تسلية صباحية

كثر المواصل بالهوى ما هـو بزيـن
ودك بـخـلـك بــيــن مــــدّه ومــــدّه
لأن البنـادم مـا تـرك طبعـه الشـيـن
لا حـب لـه شـي وشبـع مـنـه هــدّه
لكن لا منّه جاك من حيـن لـي حيـن
قـــدّرت جـيّـاتـه وقــــدّرت صــــدّه
فان قلت ابيك وقال ما هوب هالحين
لا تبلـشـه يمـكـن ضـروفــه تـحــدّه
اصبـر عليـه ايّـام وشهـور وسنيـن
ان كـانــه يـــودك وكـانــك تــــودّه
وخلك لا منه اعطاك ما تطلبـه ديـن
مـا جــاك مـنـه اخــذه ومــا رد ردّه
ولا تـسـوي مـثـل نــاسٍ مسـاكـيـن
اصـلـك وفصـلـك فالـهـوى لا تـعـدّه
الـحـب مــا خــلاّ قبـيـلـه ولا ديـــن
نـكــس حـكـومـاتٍ وكـسّــر اشـــدّه
جالـوه عقّـالٍ (ن) وراحـو مجانـيـن
وكم واحدٍ (ن) خاضه ولا هـو بقـدّه
يقولـه اللـي جاحـدٍ (ن) علّتـه لـيـن
بـــارت محـافـيـره وبـيّــح بــســدّه
هـذا كـلام وانــت بتـشـوف بعـديـن
والله ان تميّـز بـيـن مـزحـه وجــدّه

عبدالله الدّنّيش ,ناصر الهواوي ,محمد الغنامي و 5 آخرون معجبون بهذا