يامدعي بالحب بالله على وين=الناس ماتصدّق لـ عود ً هبيله
خثرق على نظم الشعر والدواوين =وأمسى يمثل دور مجنون ليله
ونظام جيله غير عن جيل الالفين=لحق لـ جيل اهل العصور الجميله
بيت الشعر والبل عن يسار ويمين=والثوب يرّقع كل يوم لـ شليله
وش شرهّه في حب مدعوجة العين=والمؤمن يقولون عقله دليله
لا وجهن يساعد ولامنطق ً زين=يصلح ممثل مع بخيت وعديله
العود لامنّه وصل عمر ستين=معاد به رجوى ولابه عقيله
امسا مثل عايض مسحّب جوالين=وليا سحبهن راح مافيه حيله
ماله مكان الا بدار المجانين=وسطه يقضّي كل يومه وليله