غزلان والمهره بسجن الرواسي=وعشتهن الليله كثر خيرها صدود
انا اشهد ان ماجد غليظٍ وقاسي=بناتنا يابن رتيق بهن زود
ماهن شبه لمدمراتٍ عواسي=والا كما شمط السعد مابهن فود
غزلان بالقيفان تطرد عماسي=وتشعا هجوسٍ من جفا الولف ملهود
لتسالي المهره اقوم امتواسي=ايرجعني كمحة سنين واعود
يامسندي عزام ياما براسي=هموم جمه بين حاوي ومردود
اعلنت ياعزام منها افلاسي=تخلَّف الله في محاكيك ياكود
فيما حصل صاير غلط والتباسي=وعلى القرار اللي صدر منه محدود
وترجع موايدنا بوسط التباسي=ومياهنا لنهارها بكره اتعود
مازلت ادافع في رجاويه ياسي=يمكن بنظرة عطف للمنهك ايجود