صدريبي ياهجوسي ورديني=وسط غبات البحور المدلهمه
لاسرحت اسرح على بحر الهجيني=وان ضويت اضوي ببن خاله وعمه
الليالي لو تشين ولوتزيني=مايموت الادمي من كثرهمه
ماذبحنا من على مر السنيني=كل عام يمرنا بكبرمطمه
مؤمنين وساكتين وصابريني=لين يجلى كل ضيق وكل غمه
نرتكي للوقت بالضلع المتيني=لين نارد بالرشاء من كل جمه
والهواء اللي ياجماعه مبتليني=الزمان يبعثره وأرجع ولمه
كل مالدت بعين الشوق فيني=جيت مثل الطفل يوم يغير لمه
صدرها الدافي بعطفه يحتويني=كل محتجت لحنان اروح يمه