اولاً / اشكر اخي وصديقي الشاعر الكبير : محمد الروقي
على الدعوه ... وعلى الترحيب بي وهذا ليس بغريب
ولا نستغرب الطيب من أهله
واقول / اخي محمد
الف شكر لك ... واتمنى التوفيق والتقدم لكم ولموقعكم الشامخ بأعضائه وبوجودكم
واتمنى ان نقدم مايليق بهذا المنتدى
ثانياً /
اليكم هذه المتواضعه اتمنى ان تنال رضا الجميع
/
/
ياهجوسـي والقـوافـي ماتـسـاق الا لهلـهـا=فالبدايـه.. ( والسـلام ورحمـة الله وبْركاتـه )
السلام ورحمة الله .. / والحروف القشـر ولْهـا=والكلام الزين من يخرج من انصابـه زكاتـه..؟
لجل اوصـل لـه رسالـه لـن فهمهـا ماقتلهـا=وان قتلـهـا.. ماتكـفـر حسنـاتـه / سيـآتـه
ربما ..!! عن طهرها يغشـاه زفـره مـن زللها=مثل من اغـواه شيطانـه وشكـك فـي صلاتـه
كـل شـئ(ن) محتمـل والطيبـه محـدٍٍٍ كفلهـا=في زمانٍ لـف هقـوات النشامـى فـي عباتـه
وقت خلى اللاش له قيمه.. / وساس الطيب اكلها=عينه أتشوف الأمـور ويكسـر الخاطـر سكاتـه
تعـب وابسـط أمنياتـه عاجـزٍ حتـى يصلهـا=لو يسـوق اخطـاه حظـه ينثنـي دون أمنياتـه
والديـار امـحـوْل والمـزنـه يخوفـنـا بللها=برقهـا خاطـف ومرعـدهـا يشتتـنـا ثبـاتـه
ساقهاالمولى غضب من غرب والمشـرق أملهـا=بليـل مايقفـاه صبـح / وصبـح قفّـن عادياتـه
والسوالـف جزلهـا بايـر ومشريـن هزلـهـا=والثمـن مـن مزرعـة فـلاح يابسـةٍ لهـاتـه
يوفـي الوزنـه وتوخـذ منـه مايعطـى بدلهـا=لين ضاق بـه المكـان وضاقـت بعينـه حياتـه
حوله / أجداث / وحطام / ودار اعلاها أسا / فلها=وشيـخ قـومٍ دمعتـه ترثـي بقـايـا ذكريـاتـه
والحلـوم المزعجـه ماكـل عـقـلٍ يحتملـهـا=وإبن آدم بين ( خير / وشر ) والفيصـل مماتـه
وكل شـئٍ محتمـل والطيبـه منهـو كفلهـا..؟=لجل أعرفه ( والسـلام ورحمـة الله وبْركاتـه )
* عــــايـــــد الــســمـــيـــري