لـزيـن زاد الـولـه ولــوجـهـه الـبـاهـي =اللي غـرامـه مـطـوق خـافـقـي سوره

طـوق على قـلـبـي وكـبـدي غلا يـاهي=والـحـب فـ عروق قـلـبـي زارع جـذوره

عن وصلها يا هـلـي مـاني بـ متلاهي=القلب بوحي بشعري تـرجـم اشعوره

امـوت فـيـهـا وفــيــهــا دوم مـتـبـاهـي=وغـرامــهــا حــط قــانــونــه ودسـتـوره

في قلب لي عن سواها رافـض وناهي=مـا وده يـشـوفـهـا فــي يــوم مـقـهـوره

قـلـبـي مـع حـبـهـا عـن غـيـرهـا لاهي=والجفن لاهي ومستانـس مـع الصوره

صورة عشيري فداه الـحـاقـد الطاهي=اللـي طـهـى الـحـقـد والـنـمـه فـ تنوره

دام ان حـبيبي مـعـي ماهوب متواهي=كـل الــعـواذل تــعــود بـ ذُل مـكـسـوره

قصر الـغـلا والـوفـاء والـحـب متراهـي=فـيـه المـحــبـه تــلامــذ جــامــعــة نـوره

دكتوره الـشـوق يـعـطي درس متناهي=عن هـجـر الأحـبـاب والاحوال مستوره

ياحــلا من السكر اللي جمل الشاهي=لا تسمعي فـي حبـيبـك ناس مسعوره

انـا عـتـيـبـي وكـلـن يـعـرف بـ جـاهـي=مـن رؤس قـومٍ لـهـم رايــات مـنـصـوره

افخر بـ ربـعي حـزام السعد واضاهي=كـل المــخــالــيــق والافــعــال مــذكـوره

ما همني يـا عـشـيـري هــرجـة الناهي=وشلون أجوب على هـرجه وانا اسطوره

ي عاذلـي عـنّـك والله مــانـي بـ ساهي=لكن مـقـامـي مـنـعــنـي لا العب الكوره