ياخطب ياللي بالجريده قريناك=صدفه ولو ما وجهت لي رسايل
اعجبت انا في شاعرٍ صاغ معناك=لو هو عن الحل الصحيح متمايل
ياعبيد بن سلوم معاد شفناك=اثرك بغيران الهوى لك مقايل
اثر المطوع لو تعصى بمسواك = ماينومن لو هو يصل القوايل
ماجور يالصاحب قدر ما جاك=يوم اشملك معروف ضاف الجدايل
يوم ان خلك طلعت الشمس فاجاك= مال الجميل الا مجازا الجمايل
ويا عبيد انا بنصحك لله وانهاك=عن ضيعةٍ معاد فيها عقايل
اترك هدوج البيض لو كان تبلاك =ودور على للي يتعبن المحايل
ترا خفيف الرجل لو جاك واشقاك=باكر يصد ويابسن البلايل
لو جاك يوم اليوم الآخر تعداك=غير الوسيله منه مانته بنايل
وتراي ماني خشرةٍ فيه وياك=هو لك وانا القى غير خلك بدايل
عيني طفوحٍ شوفها لاعدمناك =للي يخايل صاحبي ما تخايل
لا اسرح بمسراحك ولا اضوي بمضواك=من ذاق وقر الصوح عاف الثمايل