انا بشتكي فايز على هيئة الاعلام=نبي فزعة اللي لافزع يبعده عنا
صبرنا وجاملنا العتيبي ثلاث اعوام=وهو مادرا عنا ولايستمع منا
بصوته ولحنه يشغل افكارنا وينام=وحنا تذوب اقلوبنا شوق لاغنا
بعد مانقطع حبل التواصل مع ام وشام=نسيم الهوى لاهب يخلف توازنا
طوانا الغرام اللي يخل الضلوع حطام=وحدانا النصيب اللي مع الوقت فاتنا
بعد ماجتمعنا باالمحبه غدينا اقسام=وش اللي حصل باالضبط وخلف تعاونا
من الهادم الباني من الباني الهدام=هذي علة اللي لاطرت علته ونا
لونه صبر عامين وامضا عليهن عام=من الصعب يرجع وضعنا مثل ماكنا
لكن المحبه ثابته والعهد لزام =مثل مابتدت معنا وتسكن مساكنا
تراجعت عن شكواي ياهيئة الاعلام=مادام الغلا يحييه فايز ليا غنا
هذي بصمة ابهامي عليها السلام ختام=عليها السلام يطيب من طيب معدنا

مشعل المرشدي