انا البارحه غضب وشعتني تسالي نور=اما نضمها والا من الكتب منقوله
قريت القصيده واشتعل بالحشا دافور=وجا للطواري بالفكر عقبها صوله
تذكرت والذكرى تسبب لي الحاشور=يالنجلاء عن اللي صابني نور مسؤله
اسبوع وثلاث ايام اكمل ثلاث شهور=لاعيني رأت والاذن ما وصلها قوله
حوى الوجه ورد ونرجسيات مع بلور=وجمرٍ ايتوقد كيف ما اذاب له لوله
ما ادري بالجبين السحر والا برمش الحور=ان اقبل وان اقفى فيه الانظار مذهوله
عليه الله اكبر كيف يرضى عليِّ الجور=وانا منه ما اقوى الهجر بالله قولوله