طرقي وجيت وقلت ابو بندر يبا يذبح قعود=لسلامتي لو مادرا باللي حصل في طرقتي
في ديرةٍ شرقيها قاره ومن غرب النفود=نعمٍ باهلها لو ماهم باهلي ولاهي ديرتي
عقب التحري قالو الديره نزل فيها عنود=تشبه وصايفها بعدماوصفوها بكرتي
وشغلت لي جمسٍ ليا حل الطلب يطلع سنود=ولفت العقال من النعاره واعتجرت بغترتي
وجيت المكان وجعل يومٍ فيه جيته ما يعود=هي بس ماهي عرفي الاول وزادت حسرتي
ناديتها بالشاره اللي بيننا عبر الحدود=فيها عليِّ اتمشي إمرتها وتخضع ل إمرتي
قالت الى هالحين ترثع بالغوايه وانت عود=شهابتك والا انت غالي ما تناسب حمرتي
وعودت منها لاعمرها الله حزين بدون فود=ذيول الهزيمه تتبع لدربي وتمحى جرتي