ياظالم الشعر خل الشعر في حاله=ماينظم الا بناسٍ يستحقونه
أهل الوفاء والكرم والطيب والقاله=اللي على البيت والاسلام مامونه
وباهل المواقف حماة الدار وابطاله=اللي يبيعون غال الروح من دونه
مهوب اسامه ابن لادن ولا اشكاله=واذنابه اللي على الباطل يجارونه
شلة خونةٍ شراها الخاين بماله=ولا وش اللي مخليهم يحبونه
الدين نعرف اهله ونعرف رجاله=واصحابه اللي عهدهم ما يخونونه
امثال عبدالعزيز العود وعياله=اهل الوفاء اللي تحفظ العهد وتصونه
تقف مع الحق والباطل تصداله=والا انتم الحق واهله ما ادانونه
مار الخبل لانهيته زاد بخباله=ماله عن اللي عنه الناس ينهونه
اللي يشجع على الارهاب واعماله=ودك لسانه من القاعه يقصونه
يقطع جزا له وردع اليوم لامثاله=حتى يجي عبرةٍ للي يشوفونه
روحوا عساكم مراح مقيط وحباله=لاناقصينٍ بشعب ولا تزيدونه