حاكمت نفسي بعد ضبط اعترافي = وعودت اناقض كل ماصار واقول
ما فات مات وكل ابوها عوافي = سجل محاذير الاسف ضد مجهول
خلها تموت وموتها بالخوافي = لابدينها كافل ولاني بمكفو ل
بعمق المعاني ونبض همس القوافي =خلت فراغ داخل الروح مشغول
وصار المضاف اليه عندي مضافي= والثابت بنفسي تحول لمنقول
وعرفت انا ساعة نهاية مطافي =يوم الوضوح اصبح كواليس وسدول
بليل الاماني صار حلمي خرافي = محال كما العنقا ء وكما الخل والغول
احلم وانا طال الزمن باصطفافي = في ذيل طابور السعد غير مقبول
بغيت اكمل يوم كاد انتصافي = من غيض همي صرت انا دق سملول
مبدع وشاعربالظلال اعتكافي = حيث القمر من هيبة الشمس مذهول
ومثلي نصيح وطيب القلب وافي = ماينتج بهذا الزمان اي محصول