كتبت فيك الشعر وابدعت قافي=ودايم قصيدي يقصدك في معانيه
رسمت لك لوحة عشق باحترافي=والبست مفردها رموز(ن)تغطيه
يالهام شعري يانهر عذب صافي=منك ارتوى شعري وصوف(ن)تحليه
انا ترى محتاج لي حضن دافي=ويش غير حبك يمكن القلب يدفيه
إن شفت زولك صاب قلبي ارتجافي=وقامت هجوس الشعر تبرق مناشيه
سبحت سبع بحور وين المرافي=وجريت صوتي يمكن الصوت توحيه
الشعر من دون المشاعر جفافي=مثل النخل يابس اذا جف ساقيه
ترى قصيدي مثل ضلع(ن)يشافي=ماباقي الا باسمك اليوم اسميه